昨日情人節，鮮花、心意卡、朱古力是最重要的傳情達意禮物，其實，簡單的一個淺吻、一個擁抱，更易表達心意。能夠跟另一半共度這個特別意義的節日，值得珍惜，丁子高和楊千嬅將為人父母，但同樣恩愛甜蜜；楊穎（Angelababy）與黃曉明就愛得癡纏，同在北京度佳節，愛意更濃；胡杏兒和黃宗澤公開戀情後，不需再愛得低調，也份外甜蜜。不少藝人樂於在網上說一句「情人節快樂」，將愛意分享到世界每個角落。 採訪：林妃
千嬅、子高住家飯慶祝
楊千嬅和丁子高結婚兩年多，兩人仍然過得甜甜蜜蜜，昨日情人節，他們沒有出街吃飯，反而留在家中陪奶奶一起晚飯。
着平底鞋捧Wyman
懷孕五個月的千嬅昨日在電話中說：「今年情人節，意義係特別唔同，因為今年陀住BB，所以老公話喺屋企食飯慶祝算啦，唔好周街走，怕人多。其實老公唔係咁重視情人節，反而較為重視結婚、相識同註冊呢啲結念日，不過情人節佢一定會陪我過。」
問千嬅老公今年送了甚麼情人節禮物給她？她笑言：「我生日同情人節好接近，所以老公通常係生日送咗就算，其實我都唔係咁重視禮物，反而佢留多啲時間陪我，我會更加開心。今晚一家人食完飯，我會同老公去捧一個朋友場。」
千嬅昨晚為黃偉文（Wyman）尾場作品展擔任表演嘉賓，破冰唱出二人作品《可惜我是水瓶座》，一曲泯6年恩仇。為安全計，千嬅穿上GiuseppeZanotti水晶防滑平底鞋演出。