【本報訊】惡業主涉不滿劏房女租霸欠租5個月共1.5萬元，竟肆意丟棄她放在劏房內的現金、電視機甚至寵物狗，總值逾2.8萬元，圖逼走她。女租客形容單位突然變成爛地一塊，「連地膠都俾人鏟埋」。業主昨被裁定刑毀等罪成，聲稱當日做好人出租單位豈料被人拖租，「今次俾佢反咬一口」。
領綜援女事主歐麗瓊與兒子昨於荃灣裁判法院供稱，03年起租住荃灣三陂坊安安樓一個單位，初時月租4,000元，後減至3,000元。去年1月8日，兒子下午返家發現木門被拆走，而業主被告謝正貴（59歲）及兩名男子在屋內。兒子阻止三人丟棄物件不果，形容當時「屋企啲嘢冇得七七八八」，失物包括手提電腦、DVD機及出世紙等。
女租客離庭爆粗扭屁股
兒子續稱，發現寵物狗失蹤後，被告回應「送咗畀樓下士多啲人」。兒子隨即飛奔到垃圾房欲找回名貴波鞋，但財物已被垃圾車運走。歐稍後抵家，見住所變成爛地一塊，「連地膠都畀人剷埋……bra（胸圍）同底褲都冇埋」，最終報警，當晚母子留宿單位，數天後搬走。歐聲稱住所以往「好靚好整齊」，但當日負責搬運的工人卻稱單位無水無電、滿地爛衫褲兼有惡臭。歐於盤問下承認欠租兩個月。
裁判官李家齊判決時指，被告在警誡下承認找人搬走物品，裁定他促使分租客放棄佔用處所及刑事損壞共兩項罪名成立，押後至本月27日判刑。辯方表示，被告任職的士司機，靠出租兩間劏房收租7,000元供養5名子女，今次歐欠租在先，被告情有可原。
被告在庭外指出，當日見歐「湊住細路又冇屋住」才同意出租單位，此後間中有債主上門踢爛木門，今次罪成「都冇計」。歐離開法院時掩臉向記者爆粗，又背向記者扭屁股及起飛腳。案件編號：TWCC3509/11