蘋機會：S100夜攝東京彩虹橋　浪漫一夜情

最新S100廣告熱播，用上名曲《FlyMeToTheMoon》，盡顯Canon對新一代夜攝王嘅信心。今勻嚟到東京最迷人嘅彩虹橋，情不自禁拎出S100，拍下一幅幅迷人夜景，途中還邂逅幾位小妹妹，大家拍拍合照、交換電郵，嘻嘻哈哈了一晚。呢一晚，無OneNightStand，但同Canon嘅一夜情，絕對難忘。

記者、攝影：韓繼聰
器材提供：華仁影音

高ISO搭大光圈

因公事嚟到日本，忙裏偷閒到台場走一走，感受一下彩虹橋「InLoveWithTheNight」嘅浪漫氣氛，當年木村同松隆子都喺呢度定情㗎！拎出S100隨便Snap，發覺新機改良不少，相對S95小升級，新機S100絕對係大躍進；改用全新1/1.7吋CMOS，像素提升至1,210萬，比起上一代採用的CCD，感光能力也大大增強。加上配備與G1X相同的DIGIC5處理器，處理速度快之餘，影像細節同顏色亦都更加豐富。更重要係大大提升雜訊控制能力，配合新CMOS同F2大光圈，影起夜景上嚟自然相得益彰。
「夜王」果然名不虛傳，即使唔用腳架，影像依然實淨，儘管在高ISO下，暗位尚算細緻，光位亮麗之餘，雜訊亦相當理想，完全可以拍下彩虹橋嘅浪漫美感！

近攝
■近鏡試拍甜品，微距不錯，顏色自然，影像亦相當細緻。

■加入GPS，可清楚記錄每張相片的拍攝地點。

■保留齊全嘅拍攝模式，影相更加方便有彈性。

遠近攝力強

S100鏡頭比上兩代更Wide亦更Tele，由28-105mm進化成24-120mm。鏡頭拍攝Range增闊咗，難得機身Size變得更薄，更保留S系自豪的F2大光圈，可見在機身設計上下過一些功夫。
還未入夜，彩虹橋浪漫氛圍已叫人陶醉，一位可愛日本少女走近，探頭望個究竟，大家只以簡單英語交談，得知佢叫真田小姐：「我同朋友通常只用電話影相，不過見你用呢部S100，又影得幾靚喎，可能會考慮買番一部。」跟她聊聊天、拍拍照，不經不覺已入夜。在這一晚，還額外結識多三位日本小妹妹，鬼馬地要求我幫她們與彩虹橋來個合照，最後更留下電郵地址，說回港後要把相片給她們呢。
整晚下來，開心的不只結織了幾位新朋友，S100的強勁及實用性，亦是令我心情愉快的主因。