蔡慧敏、趙碩之、「爆E超蓮」鍾采羲（Iris）、謝芷蕙（Cammi）等前晚在圓方出席《情迷夢露7天》（MyWeekWithMarilyn）慈善首映禮，大會以白色做主題，33歲的蔡慧敏不愧為大乳牛，穿上白色波點裙力谷36F上圍，還扮瑪麗蓮夢露掀起裙子，不慎露出打底喱士褲，令一班模後輩全無招架之力，連最具威脅的Iris亦被比下去。
Cammi包到冚
蔡慧敏春風滿臉，透露剛跟曾與佘詩曼傳緋聞的上海男友陳聰歐遊，還險些撞破「瓊俞戀」，她笑說：「我去旅行時好似見到郭晶晶，但朋友又話唔係，點知返嚟見到傳媒登咗，我哋又有去巴黎，差啲撞埋瓊俞。」Cammi自言不是行性感，她說：「今日好凍，配合場合己經着咗條裙，我仲有着絲襪同暖包，加上最近考試壓力大，好似肥咗。」
另外，卓韻芝最近身邊出現不同外籍男士，問到情人節怎樣過？她說：「家未有真命天子，情人節要做嘢，奉勸追求者千祈唔好畀驚喜我，太surprise反而會泡湯。」
採訪：王連連
攝影：黃文偉