【本報訊】樓市購買力爆發非同小可，連地產代理都感覺到今次小陽春「比以往勁」。本報直擊一名70後買樓真人真事，由09年不看好後市做租奴，租樓近3年，現時樓價比當時貴五成，但兜兜轉轉都是買。惟旺市買樓難，兩周內狂睇逾10個將軍澳盤，部份心水盤更被人截糊。「唔等啦，驚再等仲貴」，上車尚欠一步，因只是「預留」未算買，要等業主今日回港簽約。 記者：朱連峰
旺市買到心水盤，本應是一件開心事。但這名70後將軍澳新都城租客，即使找到心水盤，只是成功一半。
業主身在內地，「份合約仍差業主簽名」，業主只口頭應承會將單位賣給他，買家昨天只單方面簽署臨時買賣合約，以330萬元「預留」這個將軍澳廣場569方呎兩房單位，已落定10萬元。買家現時最擔憂的是，一日未成交，都有變數，「好驚買唔到」，買家朋友向記者說。
憂搶貨冇樓睇照買
因為這個單位算抵，中層只售330萬元，「7、8樓都係呢個價」。地產經紀亦教路，叫他千萬不要同太多人講，尤其是經紀，萬一有其他人知道他買的是什麼單位，肯定會「bid高個價，有人出高1萬都死」。所以該親友叫記者不要寫該單位出來，「邊座咩室都唔好提」。單位連租約（交吉賣），有租客住，冇樓睇，所以買家連內部裝修、會不會是爛屋都不知，只是在地產代理舖頭睇完平面圖，見價錢「OK」就買。該親友直言「冇得驚」，「知道望乜景就算」，因為擔心再考慮「盤都冇埋」。
買家驚買不到樓是有原因。該買家在過去兩星期內在將軍澳睇了逾10個放盤，包括將軍澳中心、將軍澳廣場及新都城，其中兩個心水盤更「未睇就賣咗」，包括將軍澳中心11座一個581方呎低層單位，「本來都想睇吓」，但未睇經紀已通知單位賣出。而買家本身預算亦有限，只可負擔350萬元內的樓價，惟近期將軍澳成交勁旺，本月至今已近百宗，消化大量平盤。
荃灣中心追價成交
利嘉閣地產高級經理劉卓豪表示，購買力湧現，代理開始不夠盤做，東港城面積588方呎的兩房單位，居然只剩一條鎖匙盤，昨天有5名同事要排隊輪住睇。
美聯物業高級營業經理梁仲維表示，市場氣氛好，各大銀行又減按息搶客，購買力爆晒出來，今次小陽春感覺「比以往勁」，估計後市仍有力上。荃灣昨單日至少10宗買賣，荃灣中心19座低層D室，404方呎，單日多枱客睇樓，業主原先底價176萬元，最終搶高4萬元至180萬元成交。
灝畋峰劈價奏效
一手市場相對較弱，截至昨晚8點，將軍澳領凱、大圍盛世、紅磡昇御門及油麻地御金．國峯四個新盤合共也沒有10宗成交，僅約8宗，盛世佔4宗最多。
嘉里建設（683）何文田灝畋峰特色戶劈價促銷奏效，其中50樓頂層連天台單位，4210方呎，盛傳單位已獲一名內地客預留。單位定價1.68億元，較發展商原先意向價1.9億元低11.6%，呎價39905元。至於會德豐（020）西環LexingtonHill，料下周發售，代理累收逾100票，全數104伙有望即日沽清。
將軍澳70後租客買樓事件簿
時間：09年中
事件：金融海嘯下覺得樓價會跌，租住將軍澳新都城兩房單位
時間：上月
事件：租住單位兩個月後約滿，不獲續租
時間：本月
事件：兩星期內於將軍澳睇逾10個盤，部份
心水盤未睇便已售出
時間：昨日
事件：睇中將軍澳廣場一個569方呎兩房單位，即使冇樓睇，以330萬元預留單位，等業主今日簽約