熊黛林（Lynn）前晚在澳門出席內衣名牌Victoria'sSecret活動，同場的何佩瑜（Jeana）和「爆乳超蓮」鍾采曦分別以高低胸及俯身倒奶搶風頭。有指Lynn和郭富城6月結婚，Lynn前晚否認其事，但坦言不抗拒做龍年新娘，且今年很多酒席已爆，要從詳計議，她說：「唔想太遲，唔想身邊人有晒小朋友咁，覺得好孤單。」
光明正大
對於Angelababy否認和黃曉明秘婚，Lynn坦言自己結婚想正大光明：「拍拖盡量低調，日光日白唔可以拖手已經辛苦，結婚都唔畀人知就好慘，希望所有人祝福我哋。」Jeana解釋因趕船搞到高低胸，並說：「啱啱同安室奈美惠嘅監製今井了介開會，佢叫我去日本學唱歌，做性感打碟DJ，仲話鍾意我寫真入面嘅淡妝。」又謂對方不介意自己曾整容。
採訪：林嘉慈
攝影：黃偉雄