前晚楊其龍（Gilbert）在中環開按摩店，邀請城中好友撐場，對於舊愛何超瓊（Pansy）與俞琤甜蜜外遊，Gilbert雖送上祝福，但甚抗拒提起俞琤並說：「唔好講佢。」另外，放兩個月長假的霆鋒透露會盡抽時間陪兒子，還會親自接送Lucas返學，似乎不想Lucas做逃學威龍。
謝霆鋒、LisaS.、AnaR.、林孝賢、楊諾思等前晚出席楊其龍的按摩新店開幕派對，周星馳前女友于文鳳與有股壇高手之稱的Eugene莊結伴到場。身為老闆的楊其龍滿場飛，問他有沒有留意舊愛何超瓊的新戀情，他煞有介事說：「我唔識答。」但仍送上祝福，他說：「坦白講冇乜點睇，但佢係我好朋友，當然祝福佢，希望佢好。」
自爆有外籍女友
提起俞琤名字，Gilbert反應甚大說：「嘩！今日係我嘅新店開幕日子，唔好講佢。」問他有沒有與Pansy聯絡，他說：「今日冇，近期好忙。」他亦避談有沒有邀請Pansy前來，只說：「你哋仲講，今晚叫咗超儀。」但現場未見超儀蹤影，Gilbert還風騷透露與外籍女友感情穩定，揚言要介紹給傳媒認識，問到情人節想收甚麼禮物？他說：「最重要身體健康。」
霆鋒送Lucas返學
此外，霆鋒表示將放兩個月大假，是八年來第一個悠長假期，今年會多留香港陪兩個囝囝。有指張栢芝經常帶仔外遊逃學，霆鋒則透露有親自送兒子返學，他說：「今朝有送阿仔上校車，但怕混亂冇送佢去學校。家Lucas個病好番晒，唔係都唔畀佢返學，怕俾克勤鬧。」霆鋒閒時便會與Lucas互動下廚，問到Lucas有沒有給予意見，他笑說：「我唔會相信一個四歲小朋友，會話你煮啲嘢好唔好食，教你要落多啲鹽。但我煮pancake時Lucas會拋士多啤梨畀我。」
採訪：卓寶花 攝影：陳順禎