薛家燕同胡渭康等噚日去咗位於石硤尾嘅一間社區中心進行探訪活動，佢哋唱歌之餘仲大派福米，令到班老人家笑到見牙唔見眼。家燕姐透露，原來今次活動所派嘅米全部都係由胡渭康啲朋友贊助，仲讚胡渭康相由心生，越嚟越靚仔！胡渭康就話嚟緊都會帶200幾個嚟自庇護工場嘅小朋友上郵輪玩番日，佢話做到善事都好開心。