馬德鐘老婆張筱蘭早排喺微博提醒老公唔好拈花惹草，唔知係咪因為老婆大人提醒，所以馬德鐘同其他女仔開工做嘢都比較避忌，噚日馬德鐘喺微博上載咗佢同model丹丹幫雜誌影嘅相，相中見兩個人都冇乜親密動作。馬德鐘事後話好滿意輯相嘅效果，而佢老婆張筱蘭就講笑叫雜誌老闆遲啲幫佢兩公婆影番輯結婚相。