「E奶紅姑」鄧伊玲（阿旦）與無綫主持黎國輝（阿感）最近爆分手，由於是男方先提出，令女方哭斷腸。據悉阿感經常出招討好異性，尤其喜歡身材嬌小女仔，鍾欣桐（阿嬌）和江若琳都曾經成為目標。不過，阿旦昨日仍處處維護舊愛，指阿感喜歡關心異性是其性格所致，但直認他平時會口花花。
擁有32E咪咪的模鄧伊玲與黎國輝拍拖5年多，阿感於新年前突然單方面在微博宣佈分手，之後阿旦每日以淚洗面。前日阿旦與阿感在活動上碰面表現尷尬，同場的阿旦好姊妹陳靜（DaDa）和林宜芝（Monna）出言力撐阿旦，言語間更暗示阿感不忠。
出席阿嬌生日會
據悉，阿旦與阿感分手的導火線是因阿感太花心，經常在外結識不同異性，阿感尤其喜歡身材嬌小的女仔，當中包括與他相識多年的鍾欣桐、江若琳和內地模等，阿感經常用微博及電話短訊發功，以綿綿情話冧女，上月21日是阿嬌生日，阿感更出席其生日派對送驚喜。
昨日記者致電阿旦，問她與阿感之間是否出現第三者？她支吾以對說：「唔……唔敢講，因為唔想影響其他人。可能佢（阿感）平時口花花，有時會太關心其他異性，呢個係佢性格，有時我會覺得佢忽略咗我，對其他朋友仲好。我亦唔排除有啲細路女埋佢身，但我唔信佢有第三者同做過出軌行為。」
準備尋找沈佳宜
早前阿感在微博留言說：「新一年我決定擺脫過去的……快活的阿感……尋找你的沈佳宜」，阿旦不滿阿感先爆分手，日前忍不住在微博說：「你真正要交代的是我，不是你的微博粉絲，我們真的不行了嗎？」阿旦昨承認自己有點衝動：「我哋一路都冇正式講分手，留言之後佢都有打畀我道歉，家我冇嬲，原來一段情可以好快嚟、好快去。」
採訪：林妃