英格蘭球壇種族歧視情況無日無之，最近又搞到曼城後衞米卡李察士（圖）。由於佢個Twitter網站受到種族歧視者滋擾，暫時要關閉。米卡好鍾意透過Twitter同班球迷溝通，不過喺最近幾個月有一小撮人間唔中作出種族攻擊嘅留言，終於令佢覺得受夠，決定暫時關閉網站。呢單嘢家已由當地警方接手跟進，希望快啲將班搞事分子繩之於法就好。