對於在小店Opus買Norton軟件不獲優惠，記者先以顧客身份到SymantecNorton香港總公司向銷售部經理EricWong（圖）查詢，他直認︰「我要保障番我哋其他行家，所以做親program都係畀我哋指定零售商。」他更指出：「佢(Opus)平時唔係直接同代理攞，所以行家就唔係咁鍾意佢，因為佢哋都係競爭者！」
Eric直言只要購買其公司產品，同樣獲得支援，「只不過唔係我哋香港代理嘅產品，有咩問題要經我哋去搞，我哋唔係唔搞，係要時間！」他建議若記者做零售，不要跟Opus拆賬，又主動介紹零售商。
其後記者表明身份，Eric仍堅稱在指定零售商買貨才會獲得優惠，但承認在印貼紙時漏掉「要在指定零售商購買才有優惠」的字句，為免客人從Opus買到非本地貨才點名Opus非指定零售商。