【本報訊】高盛昨日將李寧（2331）納入「確信買入」名單，同時將目標價調高近70%至12.1元，令李寧股價一度爆升逾17%，連同私募基金TPG入股效應，去年從高位計大瀉逾64%的李寧，在短短12個交易日大升逾45%。有基金經理指「爆升」皆因「追落後」，負面基本因素「無變過」。記者：陳健文
該外資基金經理說：「我又唔敢話今年市場環境一定差過舊年，但好多（體育股）都講咗今年第二季訂貨會條數唔得，所以家啲體育股只有下調風險，暫時真係見唔到有上調嘅可能喎，啲大行無啦啦調高（目標價），可能佢哋見到啲我哋睇唔到嘅嘢啩。」
另一基金經理表示，近日李寧及一眾體育股大升，說到底只是「錢太多」，「據我理解，因為歐洲唔掂，今年到家不停都有錢流入香港，部份入咗股市……呢水大價股升得七七八八，咪要玩番啲舊年唔得嘅股份囉，李寧當然係首選啦。」
短期勿掂運動股
由於李寧股價連日急升，若TPG悉數按7.74元換取8915.11萬股李寧股份，按昨日收市價9.8元計算，單計該批可換股債券盈利約為1.84億元，連同以6.6元認購的5300萬股，12個交易日內共賺約3.54億元。
同日以6.6元向主席李寧購入400萬股舊股的一眾高層，不足兩周亦賺約1280萬元。
一外資分析員估計，當李寧3月底公佈去年全年業績後，很多證券行會再下調盈利預測，「內地運動產品嘅存貨問題，到2013年都唔知搞唔搞得掂，回購力度只會不停增加，試問盈利又可以升得去邊呢？呢個仲要係整體行業問題㖭！」
他又表示，整個板塊累計已上升不少，現時才「入場」風險很高，並不建議投資者現階段買入。
瑞信料明年始復蘇
ThomsonOne綜合18家券商數據，平均預測李寧去年純利約4.44億元人民幣，按年大跌59.93%，2013年預測則約5.02億元人民幣。連日急升後，李寧目前市盈率約為7.85倍。
「大哥」李寧勁升，但日前連升多日的「二哥」安踏（2020），昨因瑞信出報告唱淡，股價跌1.54%至9.57元。維持給予安踏「跑輸大市」評級的瑞信認為，整個運動股板塊最少要到2013年才會復蘇，予安踏目標價6.1元。
