繼阿信屋平賣可樂被打壓後，再有大公司被指玩霸權！一家由80後青年經營的電腦小店，因平價促銷防毒軟件龍頭公司SymantecNorton行貨惹行家眼紅，竟遭經銷商點名為「非授權零售商」，令購買其產品的顧客不獲優惠和支援。店主萬分無奈：「我哋只係想公平競爭，唔想一齊壟斷個價！」
記者：馮詩媚 司徒韋桐 歐文瀚
「我買嘅係行貨，攞到保養但攞唔到優惠，我唔明去邊間舖買都有限制咩？」讀者蕭小姐早前於灣仔電腦城的OpusSolutions（下稱Opus），以320元購買一套NortonInternetSecurity2012網絡安全軟件。其後她上網登記參加「免費換領8GB隨身記憶棒」，經銷商以她在非SymantecNorton授權之零售商購買，拒絕受理，她考慮向消委會投訴。
被官網列黑名單
記者到Opus購買同款軟件，同樣不獲送「8GB手指」，並在Symantec官方網站發現授權零售商名單中，列明「OpusSolutions非SymantecNorton香港授權之零售商」。
而跟Opus兩舖之隔的兩家Symantec特許經銷商亦分別張貼了告示，指Opus非SymantecNorton香港授權之零售商，其中一店的姓羅店員直言：「佢哋玩寸晒個價，我每個月同代理攞咁多貨，佢哋都唔想我因為咁攞少咗貨，係我俾壓力代理要佢咁做！」
另一店的店主Maggie更直指Opus賣價平「得罪人」，「好似之前賣平價可樂咁，大超市都會叫供應商唔畀貨佢一樣，呢個世界永遠都無fair（公平）！」她說除了無贈品外，出示Opus公司單據的顧客更不會獲得支援，「總之佢唔聽話，玩亂個market（市場）！」
對於被供應商和行家夾擊，Opus負責人Anson大感無奈：「我哋幾個80後合作做生意，寧願做嘢勤力啲，薄利多銷，咁樣都要畀人蝦！」Anson稱︰「佢想我哋賣建議零售價369蚊，咁樣等於叫我唔使賣。我哋只係想公平競爭，唔想一齊圍威喂壟斷個價！」
Symantec香港分公司指，關注到有顧客從名單以外之零售商購買指定產品，因此決定在推廣期內，在本港任何一家店舖購買有關產品，均可於本月14日前上網登記免費換領禮品。
