【本報訊】清潔女工將被精神病兒子狂斬的丈夫留在家治療而被控誤殺一案，控方昨播放女工的會面紀錄。雖然丈夫身中125刀受傷，但女工向警方形容，丈夫只屬手腳損傷，事後依然行得食得，神志清醒。她更利用自家三大療法，捽藥油、燉湯及餵服通脈丹，聲稱丈夫的情況好轉，推崇所用藥油功效顯著：「搽風濕油（醫）骨痛又得乜都得，好多用途㗎！」
記者：陳佩明
去年3月，警方就09年10月鄺景楠（76歲）被殺一案會見鄺妻，即被告黎瑞賢（61歲）。被告憶述10月11日返抵坪石邨住所後，見丈夫「面部有少少傷，唔係好嚴重」。丈夫稱受傷因父子爭執造成，兒子鄺遠迢（當時22歲）則對被告說：「對唔住，傷到爸爸，冇心傷到爸爸。」丈夫吩咐被告不可使用住宅電話報警，免遭房署收樓，丈夫並沒有要求見醫生。
買藥酒時眼濕濕
被告聲稱丈夫由受傷首日起，身體一直未見大問題，她以自家療法醫治丈夫，包括七日飲一次鹿尾巴燉參，平日改飲蘋果湯，另每天食一包通脈丹，指丈夫「食咗個人精神啲」。
其間，被告如常外出上班10小時，放工回家後替夫丈消毒傷口及搽油，另預備膳食，每天如是。「老實講，有盡我能力照顧佢，做齊晒我先有得休息，我認為冇話冇理佢……佢走咗我覺得內疚」。此外，兒子亦有盡力照顧爸爸，「阿仔做出咁嘅錯事，佢唔係咁曳嘅人」。
警員追問為何被告在丈夫受傷14日後才報警，被告回應：「佢傷咗咁耐有好轉，但我唔可能完全醫好佢，要醫生幫忙……一心帶佢落去睇醫生，見佢有啖痰。」她又補充「唔係死咗搬佢落去」。法醫則指出，鄺景楠的死亡時間是24日晚上10時至25日上午2時。
註冊中醫師夏德建供稱，10月中被告到醫館買跌打酒及活絡油時「好傷心咁樣，眼濕濕」，但沒有透露內情。同月24日晚被告來電「話先生好唔舒服，需要一張擔架床」。
案件編號：HCCC29,234/11