梁詠琪（GiGi）昨日在海港城出席朱古力超現實狂想活動，更即場學製作朱古力花，她透露婚後首個情人節未能與西班牙老公Sergio度過：「下個星期要飛去台灣宣傳演唱會，所以要提早慶祝。」
GiGi身形明顯圓潤不少，加上闊身連身裙及一吋矮踭鞋，孕味甚濃，問她是否有好消息宣佈？GiGi否認有喜，只承認會順其自然造人：「今年派利是派得興奮，都派咗過萬蚊，老公都有派，我哋一齊包利是嗰陣，佢搞笑話覺得好浪漫，因為係第一年同最後一年派，原來佢搞錯咗，以為只係頭一年要派利是，我同老公講最快回本就係生個細路仔，佢仲叫我生多啲！不過我哋唔係識咗好耐，又想一齊去環遊世界，所以都十五十六生咗先定玩咗先。」
採訪、攝影：盧妹