杜汶澤與薛凱琪（Fiona）早前於王晶執導的新片《爛賭夫鬥爛賭妻》中演爛賭夫妻，兩人日前為電影宣傳受訪，阿澤重提入行初期因爛賭而欠下逾百萬賭債一事。
曾欠債百萬
談到自己的賭錢經歷，阿澤說：「我18歲就用賭贏番嚟嘅錢買咗一隻『金撈』，我第一次上娛樂版頭版就係因為被追債，嗰時欠人成百萬過咗台灣避吓，返嚟亞視做諗住少啲人睇，點知有人認得仲同報章爆料，個債主約我出去見面時仲同我講話我幾寸，欠佢錢仲敢上電視！」阿澤表示以往爛賭是少不更事，現在知道搵錢艱難便不敢再賭。Fiona則笑言於拍攝時跟阿澤學了不少賭錢玩意，問她有否賭上癮？Fiona說：「唔會，但過年時賭少少，當遊戲玩就會。」
採訪、攝影：文國駿