張信哲昨在銅鑼灣為他3月在紅館舉行的個唱開記招，阿哲透露今次舞台設計是以羅馬競技場的模式搭建，其中在「烈火情人」這部份上，他將穿鬥牛服大跳西班牙舞，而且他的蘿蔔腳亦會首度曝光。
搞劇團冇錢賺
發福了的阿哲笑說：「身材方面我一直都信心唔大，加上農曆年食咗好多媽媽整嘅美食，搞到自己肥咗好多，不過設計師用咗好多時間游說我，而且我對佢有信心，所以會努力減肥去嘗試。」
最近成為劇團老闆的阿哲，其劇團亦有份參與個唱的工作，他說：「做老闆嗰份錢都未賺返嚟，家仲係投資階段，我做完個唱，又會拍電影同錄歌，下半年又要籌備全新巡迴個唱，未知幾時可以做舞台劇。」
採訪、攝影：何慧斯