何佩瑜（Jeana）噚日去新城接受訪問，佢話今年會試拍驚慄片，仲話︰「如果拍拍吓俾真鬼嚇都幾好。」佢話想同鬼做朋友，膽生毛嘅佢仲話：「我深圳有間屋，放假先上去住兩日，有次我同個有陰陽眼嘅女友人去住，佢話喺屋內見到個着住睡袍嘅女仔，當時都真係打咗個冷震。」Jeana又話年尾有望去內地拍劇搵真銀，有人追都冇時間拍拖。