譚詠麟噚日去新城電台接受薛家燕嘅節目訪問，阿倫話今個月25日要上亞視節目：「到時會喺亞視唱一首歌，3月13日就會錄無綫《博愛》騷，今次係件事（指五大唱片版權風波）後第一次，之後陸續有合作。」阿倫為咗可以自由亮相各電視台而高興：「其實大家傾到最尾只係為啖氣，利益方面真係爭好少，到最後只係欠落台階。」