陳煒噚日喺將軍澳電視廣播城為節目《新派煮意》進行錄影，佢話錄影完就會上寫字樓同無綫正式簽藝員約，嚟緊4月就會開劇。講番煮嘢食，陳煒就話煮嘢食係自己嘅強項，仲話老公當年都係睇中佢煮得一手好餸，佢仲話：「我乜嘢菜式都識煮少少，我諗我老公都係因為我煮得一手好餸，先會娶我，呢樣係佢當年娶老婆嘅首要條件嚟㗎。」