黃宗澤早前趁女友胡杏兒返內地拍劇，偷偷夜蒲玩至爛醉如泥。杏兒前晚與鄭嘉穎出席汽車活動，自言不會管束男友外出應酬，被嘉穎大讚是好女友，但「筍盤男」嘉穎強調沒有與佘詩曼翻撻，揚言要努力物色新女友。
鄭嘉穎、胡杏兒、陳見飛、鍾舒漫、張致恆、鄭希怡、汪詩詩、汪圓圓等前晚在灣仔會展出席寶馬汽車活動，黃宗澤早前被影到夜蒲，杏兒發嬌嗲說：「哎吔，佢話馬拉生意嘅朋友嚟咗，正常社交，唔係我唔喺度先出去，不嬲都冇管，佢有好大自由度。」身旁的嘉穎笑說：「搵呢啲女友好呀，夠大方。」
嘉穎拒翻撻阿佘
有指宗澤飲到爛醉兼被女圍，問到會否扭耳仔？她說﹕「做呢行要有人緣，但會勸佢飲少啲，佢都覺得好瘀，罰佢買架車畀我啦！」杏兒透露晚上會約宗澤補祝元宵佳節，她一副冧樣說﹕「每年都收到佢送嘅情人節禮物，估佢今年都有。」
嘉穎則被追問與佘詩曼翻撻傳聞，有指二人在橫店拍劇時，阿佘曾入嘉穎房間，嘉穎否認說：「呢啲都信？寫到冇嘢好寫。」被追問會否重燃愛火，他說：「暫時係零，正努力物色女友。」
陳見飛撐弟洗底
而張致恆與前度女友鍾舒漫同場表現尷尬，鍾舒漫自言情人節沒人約。另外，陳冠希跑馬拉松時刻意將號碼布「掉包」，被指欠誠信，陳冠希家姐陳見飛為弟講好說話：「佢鍾意個號碼啫，佢冇唔開心，達成咗自己目標。」問及是否以慈善跑步來洗底，她說：「一件好事，唔好變壞事。」
採訪：林嘉慈
攝影：陳志嵐