蘇永康前晚到佐敦出席相機活動，去年他憑熱爆歌曲《那誰》人氣急升，對於歌曲未能成為《勁歌》金曲金獎，更被林峯無人認識的《Chok》攝位得金曲金獎，蘇永康大方力撐林峯說：「大家針對件事，唔好針對人，戥佢慘，《Chok》係實至名歸，我之後演唱會都想唱，唔通樂易玲叫佢攞佢唔攞，佢頂咗兩年亞太，都要頂上去，唔可以抹殺佢努力，佢係TVB算唱得嘅歌手。」
「唔畀獎我係啱」
蘇永康稍後會出席now芒果台的音樂會，他自爆早於06、07年已沒有與無綫簽歌手合約，直到早年因BigFour關係才簽了一年合約，他笑說：「冇獎係正常，唔畀我係啱，學李克勤話齋畀啲有飯盒食嘅人。」
採訪：胡比
攝影：陳俊強