近排樓市好似生猛番，但係咪真正復蘇，市場仍然爭辯不休。不過，喺地產界縱橫多年嘅陳曾燾（ThomasChen，圖），即係現時恒隆集團主席陳啟宗嘅阿叔，六十年代聯同兄長陳曾熙創立恒隆集團，其後兄長離世，陳曾燾暫代集團主席，後來交棒畀侄仔陳啟宗，自己享受退休生活。
呢位年屆八旬嘅華資企業家，魄力依然，近排仲用咗半億入市，買咗個東半山豪宅怡園低層2800方呎單位，層樓已經47年，堪稱傳統老牌豪宅，放盤少之又少。
47年樓齡 呎價萬八
今次係陳曾燾聯同太座陳許啟明透過公司名義聯名買入，呎價萬八蚊。個單位原則3間房，由於夠實用，聽聞呢個屋苑啲業主都揸住單位唔肯放，所以已經幾年無成交。