之前喺樂壇頒獎禮攞咗唔少新人獎嘅許廷鏗，噚日一臉倦容去新城電台做訪問，原來佢一早去咗考試，雖然好攰，但牙醫嘅實習試佢成功pass，值得嘅。許廷鏗話：「5月考埋個大考，成功我就可以有牌做牙醫。」有牌又點啫，你都揀咗做歌手喇，佢話：「唔係咁講，家都有牙醫肯畀我喺佢哋度掛牌㗎，我都想試做牙醫，不過唔知有冇人畀我睇啫。」