情人節仲有幾日就到！好多單身一族都想趁呢個大日子重點出擊！我哋決定幫靚女單身一族——Suki搵番個伴，並一連三日為大家實況報道！
Loveactually婚姻配對工作室的SeniorMatchingConsultant——馬寶玲（BoBo）教路，約會前應由執Look着手！衣着方面，Suki全身顏色配搭過多，頸巾、長Tee、牛仔裙、外套件件唔同色，雖豐富、卻略嫌累贅，於是替她減去牛仔裙及頸巾，成個人Smart晒！
BoBo又提醒，約會當天可選質地柔軟，如絲質的衣飾，配搭一條合身的直身裙，有效突出女性線條：「其實女性鎖骨是很吸引的，所以穿V領上衣亦是不錯的選擇！」
愛着Boot的型女千萬別穿無踭、包至小腿的款式，因為這樣會令腿部線條變差：「氣味會令人對妳留下印象，但過份濃烈的香水一般男士都不太Like，建議選擇淡淡的，又較甜的花果味道。」基本淡妝亦是禮貌、誠意及尊重的表現。絲打們，約會時仲有藉口唔化妝嗎？
