卓韻芝感情事多姿多采，去年宣布與MR的譚傑明（MJ）分手後，最近網上又流傳她與一名法籍男模的親密床照，原來早前她在香港一間夜場搭上法模，一星期後，她主動飛法國會情郎，兩人現正打得火熱。
卓韻芝將於下月17至18日在灣仔會展舉行一連兩場《死去活來》棟篤笑，昨日在尖沙嘴舉行記者會，近日網上流傳她與一名法籍男模的親密床照。昨身穿開胸上衣露出nudebra的她，聲稱不知親密照如何會在網上流傳。
「我哋係做緊嘢」
現年30歲的阿芝做事向來我行我素，敢愛敢恨，其感情生活也十分精采，與作曲人陳輝陽和MJ分手後，火速戀上法籍男模，據悉她於早陣子在一個夜場派對上，看中負責為嘉賓倒酒的赤裸上身法國男模，主動出擊與男模搭訕，一星期後又飛去法國會情郎，最近回港就有一批床上親密照在網上流傳。
拍床照要靚
赤裸上半身的男模在床上攬住身體蓋了被子的阿芝，並拍下床照，昨日阿芝有另一番解釋：「張相其實係喺咁嘅情況下影嘅，我哋玩自拍，佢扮瞓覺，現場仲有其他人，只係用嚟玩，林峯影我咪影，貪得意啫！影嘅時候我哋係做緊嘢，但雜誌點解有呢啲相，我真係唔知，佢唔係我男友，只係朋友，不過我承認係專登飛咗去法國，不過好多人都會飛去法國玩啦！其實我仲等緊真愛出現。」
如果要自拍親密床照，阿芝強調一定要拍得有美感，她說：「最緊要靚，同埋唔可以太性感，因為隨時可能流傳出來，拍得就要有呢個心理準備。」在法國期間，阿芝因為太忙，最後都沒有相約前上司俞琤見面，對於俞琤與何超瓊的密友關係，她說：「唔清楚，不過我會支持所有真愛。」
採訪：魯萍 攝影：陳俊強
