最近內地有好幾個景點畀旅遊景區質量等級評定委員會要求整改，其中一個係香港中旅（308）有51%股權嘅合營公司港中旅管理嘅嵩山少林寺，主要話少林寺管理混亂，如果3月底唔做好整改，就要搣甩佢個5A評級。
港中旅發言人接受訪問時就話，呢間其實係合資公司，中旅只係其中一方，要做好管理就要兩方面一齊合作，家陣管理混亂唔可以怪晒佢哋。又因為中旅集團係央企，佢話一間負責任嘅企業，唔會好似傳媒咁講，不顧一切咁賺錢。
講到咁偉大，華華睇番中旅舊年年報，舊年全年賺億五，港中旅旗下嘅景點業務就貢獻咗億四銀，雖然佢嘅景點業務唔係淨係做少林寺一個，但如果畀人降級就唔好啦！