賭王二房長女何超瓊上月與俞琤外遊到巴黎浪漫度歲，令斷背關係曝光。昨日四太梁安琪出席新春團拜時被問到瓊俞戀，四太表現漠不關心，談到兒子猷君一拖三外籍女友時，她表示猷君經常帶女性朋友給她過目，也不抗拒子女與外國人拍拖。
保良局昨日元宵節於銅鑼灣總局舉行新春團拜，主席龐盧淑燕及各總理均有出席，身兼副主席的四太梁安琪全程戴上墨鏡，她謂前晚已跟賭王提早慶祝元宵佳節，更天天送「肉嘴」給賭王，問到賭王可有給她驚喜？四太說：「不時都有，不過呢啲係兩個人嘅事，唔使同人分亨。」大女超盈也十分識做，帶男友Greg跟賭王拜年。
一臉不耐煩
何家戀事多籮籮，早前本報便拍得何超瓊與「難得的知已」俞琤現身機場，飛往巴黎度歲，問到四太可有留意瓊俞戀，四太表現得不耐煩說：「冇留意，我啱啱先喺江西返，如果要留意都留意政協開會嘅事。」不關心超瓊？她說：「個個都關心，點解你哋唔問我嘅事？」
「最重要啱Key」
四太的兒子猷君被指一拖三女友，似乎繼承了賭王花心的DNA，問四太誰才是兒子的正印女友？四太說：「我都搞唔清，佢冇講邊個先係正式，呢啲都係傳媒嘅揣測，佢成日都帶朋友返嚟見我，歡迎佢帶女仔嚟，我有叫佢畀心機讀書。」可會接受子女跟外國人拍拖？她說：「何生個個細路都係mix，唔會唔接受，最重要啱key。」
採訪：盧妹 攝影：陳慧安
