有節目介紹過日本各種離奇古怪的自動售賣機，連香蕉都可以獨立變成機，一機都是大中小香蕉任你揀。在東京羽田機場，國內線大堂裏的可口可樂Café，有部內藏120種可樂口味的自動販賣機FreeStyle，單是可樂就有檸檬、桃、提子、士多啤梨等口味，再加有旗下所有不同飲料。且可以雜溝，2提子可樂溝3香蕉七喜再溝3黑可樂……再揀甜度酸度，真是有排玩。但FreeStyle的Free可不是你任揀任溝咁簡單，它還會自動分析機器裏的原料剩量，分析哪些飲品哪個時段較受歡迎，然後自動訂貨，壞了又自動連結管理部門維修，店主可以完全不要打理。
不過部機Running得頗快，我發吽哣猶疑了幾秒揀乜飲，影吓相又估吓日文係乜，佢就唔做我生意彈返去主畫面！後面又有人排隊，搞到我來來回回排咗幾次隊才買到杯混溝可樂！
