蘋機會：iPhone遙控　土炮Robot做紅娘

蘋機會：iPhone遙控　土炮Robot做紅娘

中國人的情人節元宵剛過去，有無成功把握機會呢？無的話，下星期仲有個西洋情人節等住你。若然想成功表白，當然要多花心思，而作為IT達人，這款土產機戰iDroid，說不定可成為紅娘，以一部智能手機便可遙控操作，無膽送情信？搵佢幫手喇！

記者：許福合
攝影：伍慶泉
Model：Debby@PureModels

藍芽10米操作

想搵iDroid幫手，首先要搭通天地線，可以使用iOS或Android手機作為遙控器，亦可經具藍芽的電腦操作。若果使用智能手機如iPhone，就要先下載一個免費App《iDroidController》，再經過與iDroid作藍芽配對就可操作，最遠距離可達10米，啱晒怕醜仔送情信。App介面非常人性化，看圖識字，揀完動作iDroid就會跟住做，相當有趣。App內還包括預先編程的動作組合，其中包含Moonwalk舞步㖭！可惜軟件還未支援自訂組合動作，否則可玩性可大增。

■App介面非常人性化，看圖就可了解動作。

iDroid動作多多

1.以踏步方式移動，可以前後及向左右轉彎。

2.身體可以向左或右轉動。

3.一見到人就先鞠躬，好有禮貌。

4.右手的鉗能以360°轉動及開合。

5.左手內藏3枚飛彈，可隨時發射。

九個摩打動作多多

大約50cm左右高的iDroid，原來係使用香港本土研發控制技術，由App到部份電路都係土產。因應動作需要，出動多達9個摩打，加上不同關節，動作仿真度相當高，尤其係移動時，會以踏步形式走動，而非在地上滑行，一邊行一邊轉彎都無問題。另外，還能夠轉動腰部同鞠躬，右手的鉗能以360°轉動及開合，可以放心將信給它拿穩。最過癮係左手有3枚飛彈，見到情敵都可隨時發射將佢擊落！大部份動作之中，都會包含速度控制，心急的就可以叫iDroid走快幾步。

■6粒AA電便可玩2-3小時。

■到AppStore下載《iDroidController》，便可用iPhone操作。

■不要睇iDroid咁有金屬感，原來抱起都好輕身。

查詢：DesignGallery（25844146）/Globalactive（27084097）