【本報訊】富貴長者屋入場費最少數百萬元，房協主席楊家聲「賣花讚花香」，自言一定會與太太申請。有本錢申請的皮膚科醫生史泰祖則潑冷水，指項目「到喉唔到肺」，寧用數百萬元買樓博升值並留給子女。
貼身護士勝保健
楊家聲昨表示，子女已移居外國，有能力照顧自己，日後會與太太申請富貴長者屋，「所以傾租金時我都避免參與，要避嫌」。他指參考過美、加、新加坡等地經驗，很多父母傾向不留資產予子女，甚為適合入住此類住宅終老，又指很多移民海外的朋友想入住，「佢哋話多倫多零下20幾度，想返嚟養老，買樓又太貴，呢個項目啱晒」。
不過，現年60歲的史泰祖認為，中國人傳統希望留一些資產予子女，「外國長者對呢類屋係有需求，因為入住後有人幫你剪草剷雪，老咗揸唔到車買嘢有人代勞，但香港唔同，去邊都好方便」。史泰祖指項目中的醫療設施未必對長者有用，「我60歲行得走得，唔使用呢啲設施，如果行動不便嘅長者，係需要一個貼身護士，多過要成日落樓去保健、養生中心用嗰啲服務」。