【本報訊】浸會大學校長陳新滋於前天的閉門論壇後，鬼祟由後門速逃，欲避開於正門外守候的傳媒。傳理學會會長麥浩宇緊隨遞交請願信，要求校方正視師生訴求，未料陳校長「寸嘴」說：「你係想交請願信定博上鏡？有咩快啲交畀我！」堂堂大學校長出言不遜，師生群情洶湧，狠批他「離晒譜」，要求道歉。
被指無能力做校長
浸大新聞系學生報《新報人》前晚於facebook上載有關報道，截至昨晚已被轉載逾850次。有校友留言批評陳新滋，「陳校長向調查小組表示：『你係想交報告定博上鏡？有咩快啲交畀我！』說罷，報告九天就出來了。」
亦有學生表示難以接受陳新滋的行為，「咁都忍得，屎都食得啦！」批評陳新滋露出狐狸尾巴，沒能力擔起校長重任。
浸大教職員工會召集人杜耀明稱，陳新滋有失校長應有的操守：「點可能質疑學生別有用心？可能遞信令佢覺得冇面，係冒犯咗佢，所以講晦氣說話，反映佢唔係首先考慮學生嘅訴求，而係考慮自己嘅感受。」他認為陳新滋須親自交代事件，無論是有意冒犯或一時失言，都應該道歉。
新聞系二年級學生吳嘉羚指，校長應有包容的胸襟，接納學生的聲音，但陳新滋接過請願信時「握手都唔肯」，反映他沒誠意與學生對話，他應為自己不尊重學生的行為道歉。麥浩宇則請陳新滋改變態度，正視學生訴求。