寶峰時尚（1121）噚日搞春茗，邀請咗華華同一班傳媒食晏，而今屆亞洲小姐佳麗亦嚟到撐場，事關今年寶峰贊助咗亞姐選舉，所以會推出一款Crossover亞姐嘅拖鞋。
內地人應酬最耍家相信大家都知，好似CEO陳慶偉未食完飯，就不斷向每枱嘉賓祝酒。雖然噚日已經係正月十五，但陳總依然同華華「拜遲年」，陳總話，今年寶峰最勁嘅係同NBA合作，推出印有NBA商標拖鞋，正式衝出國際。陳總講唔夠幾句，就趕住同另一枱嘉賓敬酒，強國人酒量一向勁，結果陪住陳總周圍敬酒嘅同事，到散席時已經腳步浮浮，另一班唔使頂酒嘅同事，爭住同嘉賓排住隊去搵亞姐影相！