「商品界高盛」嘉能可（805）買兄弟Xstrata單刁傾到㷫烚烚，市場估計，Xstrata應該會喺周二公佈業績時順便公佈單刁，但今次公佈嘅方式可能唔只齋talk咁簡單，而係靠Xstrata行政總裁MickDavis部手機！
此話何解？話說阿Mick幾年前喺倫敦CoventGarden主持經典歌劇《阿伊達》（Aida）揭幕時笑言，當佢搞掂咗一單刁嘅時候，佢就會將手機鈴聲轉做《阿伊達》入面嘅「凱旋進行曲」，襯返個心情咁話。
難怪有人話，如果想知單刁傾唔傾得成，星期二就要密切留意阿Mick嘅手機鈴聲。
路邊社消息話，嘉能可最終可能會以溢價約12%收購Xstrata，成事後阿Mick就會做合併公司嘅CEO，嘉能可舵手就做佢副手。