堅尼（小圖）重出江湖？據英傳媒指，喺米禾爾（白衫）於上周六嘅英冠早場，於多踢一人嘅情況下，仍以1:2不敵死敵韋斯咸而跌至尾4後，球會領導層對領隊積基特失去咗信心，準備請佢食無情雞。咁樣邊個代替積基特？咪就係曾帶領葉士域治同埋新特蘭嘅曼聯名宿堅尼囉！話時話，堅尼雖然好波，但領軍成績就麻麻，而且為人又出名好火同臭脾氣，有口痕友就叫米禾爾嘅領導層三思嘞。