【本報訊】全球第二貴租的羅素街，已經有13家鐘錶名店「統領」，銅鑼灣早已不是一般商人能租下的地方。扎根羅素街與利園山道近40年的富豪級南貨店老三陽，於去年4月亦被逼遷，搬離至一街之隔的白沙道，但老客戶捧場如舊。記者採訪當日，剛巧遇上前政務司司長陳方安生前來購物，「有啲嘢呢度先買到咁好食，好似豆腐乾咁，其他街市買唔到咁好。」
記者：黃玉麗
老三陽賣的東西，不貴但珍貴。正如陳太當日買了豆腐乾、鹹肉等，「豆腐乾只是10元5件，鹹肉80元一斤。」老三陽老伙記說。
幫襯了老三陽大半生的陳太，笑口盈盈地說:「幫襯咗幾十年㗎啦，老字號嘛，新年會嚟買湯丸，屋企人又鍾意食呢度嘅鹹肉糉。」
千金難買心頭好，老三陽搬到哪裹，陳太的足跡亦會相隨。她笑說:「都無辦法㗎啦，貴租，不過呢度買慣買熟，所以成日都會嚟呢頭買嘢。」搬遷了的老三陽仍能挽留到昔日熟客。
少咗遊客門市無利潤
老三陽以相若租金租了比以前面積大了兩倍的舖位，「租金同以前差唔多，都係30幾萬，但地方有成1000呎，以前得300幾呎，啲貨要收收埋埋，客人問先至拎出嚟。」老三陽第二代掌門人祁玉鳳在擴大了的店舖指劃着說。
地方寬大了，但是否仍然旺丁又旺財？「係少咗啲遊客買零食，但生意額差唔多，因為多咗自由行，加上地方大咗，可以擺到超過500款貨，客人又唔使咁迫，買嘅嘢多咗。」她續解釋：「以前好多老人家見到多人唔鍾意入嚟。」
不過，即使生意額相若，原來門市生意毫無利潤可言，祁老闆說:「我哋要做埋批發，靠門市生意係人工都唔夠畀。」老三陽是蘇浙滬特產的進口商，如進口大閘蟹、粉皮、豆腐乾、金華火腿等，供應全港200多間酒樓及酒店。祁玉鳳說:「唔做門市又唔得，因為我哋要有showroom（展覽室）畀批發睇。」
在銅鑼灣「移花接木」，業務繼續開花結果，祁玉鳳一直以店舖的品質為傲，「內地客有時買鹹魚都買10樽8樽走，一直有唔少嘅捧場客。」老三陽以大閘蟹聞名，價錢亦比內地便宜一半，攫奪不少自由行的心，「我哋有自己嘅養殖場，全年有供應，質量仲好過大陸，又平，上海要100蚊人民幣一隻，香港60蚊港紙咋。」
舵手開facebook招客
除此之外，要繼續在銅鑼灣生存，身為新一代掌門人的她，亦履行新人事新作風，在facebook設立專業及參加團購，擴大客源，「只可以話團購的魔力好大，新舊客都有玩。」
在銅鑼灣立足31年的祁玉鳳，見證銅鑼灣的時移世易，印證購物浮世繪的重建與解體。對於名店進駐，祁玉鳳笑言:「以前見住三越開日本公司，睇住時代廣場拆咗個電車廠，以前無人要嘅舖位家都爭崩頭，之後電話舖先入場，跟住化妝品入場，家輪到鐘錶，可能呢個會興旺5、6年都唔奇。」