朱茵同男友黃貫中（Paul）大大話話都拍咗13年拖，不過久唔久就傳出兩人結婚、生仔嘅消息，兩人例牌否認，但係近日又有消息話朱茵肚凸凸，疑似有喜，仲話朱茵去幫襯專醫婦科不孕等奇難雜症嘅中醫，調理身體。朱茵嘅經理人Ada梗係拿拿臨出嚟澄清，話朱茵未有陀B，因為朱茵皮膚好易敏感，但係佢又唔想再食西藥，所以咪睇中醫醫皮膚啫。