很多人做事風格與政府一樣，喜歡「講一套、做一套」，但經濟學者林本利就坐言起行，一邊廂「狂插」兩電回報不合理，另一邊廂「身體力行」買中電（002）及電能實業（006）股份。他沒有透露獲利多少，只表示已悉數沽售兩電股份。
他說：「金融海嘯之後經濟咁差，邊有投資每年可以保證有成10厘回報㗎？梗係買兩電啦……今年就唔同，大家預期經濟喺下半年開始好轉，咁股市走先經濟大約半年，所以我都沽晒（兩電），轉買其他增長較快嘅股份。」
電能兩年升35%
資料顯示，2010至2011年間，中電股價上升了25%，電能升幅更厲害，兩年上升了35%，去年更是升幅第三大的藍籌股。而且，兩電股價升幅還未計算每年「穩袋」約3至4厘股息率。
近期兩電股價稍為回落，令股息率「升返」，第一上海首席策略師葉尚志認為現價吸引，「雖然話個市升咗咁多，但經濟基調始終係唔好，隨時會落返嚟；如果以追求穩健回報嚟講，家真係可以買番兩電，貪佢哋高息，表現又穩定。」