【本報訊】「我覺得被房委會賣咗豬仔，真係舊不如新！」公屋聯會主席兼廣明苑居屋業主王坤97年以約一百萬元購入將軍澳廣明苑一個約500多呎的居屋單位。他稱，若沿用舊有補地價政策，單位轉售需付約85萬元。他質疑，新方案分化新舊居屋業主，對現居屋業主不公平，「咁多個方案我都覺得唔可取，更可能在低息環境下，助長炒風。」
隨時引起司法覆核
房委會資助房屋小組委員文裕明批評，新居屋補地價方案擾民，對舊居屋業主造成不公，甚至可能引起司法覆核，「無論邊個方案都對業主，或者房委會財政都有風險，因為有太多唔確定因素。」他稱，若要五揀一，傾向選方案五，因利率固定兩厘，業主風險較低，但他堅持維持現有補地價方式，免造成分化。
立法會房屋事務委員會主席李永達建議，容許舊居屋業主選用新方案，否則不公平，又認為不管如何計算補價，最重要是限制新居屋轉售對象，「要賣返畀基層市民，咁單位至有更多人受惠。」
城市大學建築科技學部高級講師潘永祥認為，新方案應以市場利率浮動計算才公平，「如果定息方案，當市場息率升高，市民就會覺得着數咗居屋買家，點解交咁低息。」有地產界人士認為，不計方案一免息，以方案五對業主最着數，可減輕業主利息上升的風險。