吳雨霏（Kary）去年11月被拍得深宵到林子祥兒子林德信（Alex）家過夜，兩人的情侶關係隨即曝光，不過，前晚Alex背住Kary與另一長髮女子在圓方睇戲食飯，期間Alex更用擲毫方式決定食飯地點，認真識冧女。
林子祥兒子林德信近年回流香港發展，去年加盟環球唱片公司後，公司隨即安排他在吳雨霏的新歌MV擔任男主角，兩人出奇投契，一拍即合，更迅速傳出緋聞。
去年撻着Kary
去年11月，Kary出席完活動，戴着帽和口罩獨自坐車到Alex位於中環的寓所過夜，留宿11小時，至翌日才離開。但兩人很低調，始終沒承認戀情。
前晚Alex竟撇下Kary，跟另一女子約會，約晚上7時30分，Alex與一名長髮女子並肩到圓方戲院看西片《選戰風雲》。約9時許看完戲，兩人又在商場看指示牌，想找餐廳吃飯，但看了15分鐘仍未有決定，Alex突然拿出一個錢幣玩擲公字，最後選了一間日本餐廳醫肚。
盡顯男士風度
兩人在餐廳吃飯時，各自拿着電話玩，甚少交談，兩人食了約一小時離開，又在商場與另一名拖着一個小行李箱的女子會合，Alex甚有男士風度，立刻替此女子拿行李箱，之後三人齊乘的士離開商場。
記者昨致電Kary問她知否Alex前晚與其他女子睇戲，她說：「好似唔係好關我事，作為一個男仔，呢啲係好正常活動，好正常事啫！」Kary對男友如此信任，看來兩人感情十分穩定。
採訪：龍婉琪、羅德光
攝影：黃文成、黃偉雄