立法會經濟事務委員會今日會討論上周被「打回頭」的兩電營運資料，民主黨立法會議員李華明（圖）表明，不滿兩電要求將資料保密，認為資料應公開讓市民知道。自由黨主席劉健儀亦認為，市民對「點解加咁多電費」有知情權，不可只是「得個知字」。
李華明說：「我噚日收到兩電份資料，未睇晒，內容係就係多過上個禮拜嗰份，但好多我覺得唔敏感嘅資料都係話保密，我就唔係好收貨，份嘢似係用嚟做下台階。」
劉健儀亦指出，明白今年大加電費是既成事實，大家亦會尊重08年簽定的回報合約，但認為兩電必須公開加電費及資本開支的資料，「家無話下一步做乜，睇埋今日開會開成點，先至睇吓星期三會唔會如期開會，就行使《權力及特權法》表決。」
中電昨晚刊發通告，指應立法會經濟發展事務委員會要求，「破天荒」透露去年香港業務資本開支約80.44億元。
開支曝光 恐惹民憤
經濟學者林本利認為，議員要求公開的資料全是已獲批准的計劃，對加電費全無影響，香港電力市場又沒有競爭，不存在洩漏資料予對手，故不明白為何兩電抗拒公開資料。有外資分析員揣測，兩電可能擔心公開資料會令一些「不明不白」的開支曝光，進一步引起民憤。