2014世盃主辨國巴西，又有新波衫亮相，而森巴兵團亦會喺今屆倫敦奧運着呢件全新戰衣爭金。巴西呢件新戰衣繼續採用傳統黃色做主色，但就改做V領，兩邊袖位亦配上一條綠色橫間；新波衫由尼馬（左）同甘素（右）率先騷畀一眾粉絲過目，巴西教練文尼施斯表示，新戰衣將會喺今個月友賽波斯尼亞中首度亮相。