今季喺熱刺上位嘅巴西中場辛度雲尼亞里，日前喺球隊更衣室扮功夫新星，仲俾隊友丹尼路斯拍低晒佢耍功夫嘅過程擺上twitter（圖）。片中辛度不斷喺度踢腿同大嗌，搞到班隊友鬼咁開心。段片一出街即刻有唔少人讚好，但亦有人話辛度喺度發狂，好似有過度活躍症咁；相信呢啲咁惡意嘅批評，好大機會係阿仙奴球迷留嘅。