「愛靚唔愛命」乃女士天性。現年20多歲設計師邱小姐，四年前愛上穿高跟鞋，鬆糕鞋更是她的心頭好，但同時帶來頻頻拗柴的問題。因工作關係，她每日都會穿着約兩至三吋高鬆糕鞋，當行經凹凸不平路面時，很容易拗柴跌倒。
邱指幾乎隔日便拗柴，但每次都無嚴重受傷，「有時扭親都好痛，但因為覺得着鬆糕鞋好靚，好多人都着，着咗可增加自己高度，令我好有滿足感，所以唔怕拗柴，習慣咗，行路會就住，應該可減少拗柴次數」。她一邊講述穿鬆糕鞋的好處，但也忘不了拗柴的痛。她指，自己慣常左腳拗柴，每次都忍痛了事。若痛楚持續至翌日，便改穿平底鞋以減輕疼痛。
避免急步行
去年5月，她因心急外出，離家後未有留神，身體失去平衡致拗柴，整個人跌倒地上，情況非常「牙煙」。她自言幸好無嚴重受傷，否則後果可大可小。她說，意外後穿着鬆糕鞋或高跟鞋時，都不敢走得太快，急步行也要避免。雖然對拗柴已習以為常，但她也擔心長遠會帶來腳患問題。
《蘋果》記者