踏入2012年，阿仙奴成績繼續令人失望，一眾廠迷似乎已經對領隊雲格（圖）忍無可忍，要求佢下台嘅聲音有增無減；但雲格懶理球迷不滿，仲用利物浦嚟對比球隊嘅情況，其實唔係咁差。教授話：「你哋睇吓利物浦已經22年未贏過聯賽冠軍，我哋就連續15年打入歐聯；我希望喺未來16年，球隊可以繼續保持呢個佳績，我嘅責任就係令阿仙奴球迷開心。」