湖人季前組軍處處碰壁，簽基斯保羅門前撻Q，由魔術羅致超人中鋒懷特侯活（右）都係得過講字。有美國傳媒爆料，原來侯活喺季前曾經同拜恩（左）傾過，之後就打消咗去湖人嘅念頭。據講拜恩希望懷特嚟到湖人之後，做佢同加素之後嘅第3進攻選擇，角色就好似上季小馬嘅真達拿咁。話晒堂堂NBA第一中鋒，做「三弟」就勢係假，一於sayno。