製作口述電影，別以為只是說說：「呢度有棵樹，嗰邊有盤花」就可以。全賴一群幕後功臣，先將影像轉化為為生動的文字，再由口述影像員以適當的調語將影片內容立體及形象化地「說」出來，讓觀眾產生想像而明白、投入，甚至享受聽戲。
仔細描述人物表情
製作一套口述電影花費不少心血，《報應》的編導方晴表示，將流動的畫面變成文字的過程殊不簡單，「編劇係將畫面變成文字，口述影像就係將眼睛見到嘅嘢寫番出嚟」。影象撰稿員Shirley也表示：「電影頭五分鐘我就寫咗四個鐘頭，寫呢套戲大概用咗50個鐘啦。」擔任義務口述影象員的商台DJ梁嘉賢（Stella）指，為了「講得動聽」，她笑言：「《報應》呢套戲我前前後後睇咗七次」。
兩人解釋：「電影中有好多冇聲畫面，例如環境、人物表情，盲人都感受唔到，需要將畫面描述出嚟，幫助佢哋理解。如果寫得唔夠仔細，佢哋就掌握唔到劇情發展。」Shirley說：「一套戲我會反覆分段睇好多次，會睇吓自己讀得順唔順暢，係咪配合到畫面。務求單憑聲音，就可以畀人明白情節，仲要不斷練習致純熟。」《蘋果》記者