【本報訊】內地客帶旺香港高消費品市場，連帶放售二手錶舖亦如雨後春筍般湧現，但有市民光顧後竟被指手錶為賊贓，惹來一身蟻，最後「錶財兩失」。典當業人士指出，目前警方只會向持有當押商牌照的店舖通佈贓物名單，並不包括近年盛行的二手錶店，令市民及遊客隨時墮入購物陷阱。記者：陳兆剛、葉競科
「探員話如果我唔能夠證實隻錶嘅來源，就可能控告我接贓甚至盜竊罪！」買錶被當賊辦的張先生，08年到九龍城一間二手錶行花2.3萬元購買一隻勞力士ExplorerII，作為太太的生日禮物，當時只着眼於手錶是否真貨，未想過來歷問題。
典當被以為竊賊
直至前年，張先生因為搬屋急需現金周轉，太太同意把勞力士暫時典當，換來1.8萬元應急。他強調：「隻錶對我同太太都好有紀念價值，大家講明安頓好新屋後就儲錢贖返隻錶。」
詎料當錶惹來一身蟻，張先生無奈說「有次碰到個舊街坊，先知有警察上舊屋搵我，話有單盜竊案要我協助調查」。他大惑不解，主動到警署助查，始知「大件事」：「原來我當咗隻錶畀當舖後，警方按慣例去當舖核對收購名單時，發現隻錶係盜竊案中嘅贓物。」當時張先生因遺失購物單據而百辭莫辯，惟有向二手錶行求助。
對方最初闊佬懶理，直至張多次登門追究，店員才翻出他當年的購物單據，以及變賣賊贓者的身份證號碼。張把資料轉交警方才洗脫嫌疑，並協助警方破案。
結案後，張先生手持抵押單向當舖要求贖回手錶，當舖卻支吾以對，「話隻錶已經畀返失主」。他事後打探得知，案中失主向當舖付錢取回失錶。至於出售賊贓的二手錶行聲稱已按例登記抵押者資料，不會再負責張的損失。
消委會投訴不果
張先生無奈地說：「名錶有升值潛力，我買嗰隻錶已經升到3.8萬。蝕錢事少，隻錶好有紀念價值，我曾經向消委會投訴當舖及二手錶店，都係無用，睇嚟攞番隻錶嘅機會渺茫。」
據悉，目前警方只會向正式領取當押商牌照的店舖，互通賊贓的最新情報。上述機制存在漏洞，因同樣接貨的二手錶店及珠寶店則不獲通報，純粹由警區自行決定。
市民看二手名錶
