前爵士名將馬龍（圖）早排喺當地一份報章嘅訪問度炮轟舊主，大數爵士喺上年撐迪朗威廉士而將老臣子教練史龍炒魷，仲話爵士不念舊情，家佢去睇波都要買黃牛飛。家喺爵士打骰嘅班主小米拿不甘示弱，日前喺Twitter度進行反擊，話馬龍講大話：「卡爾你咪吹水，你有我電話號碼，要入場睇波可以隨時搵我。」